ସେସଖାଲ ଥାନାରେ ‘ଆମ ପୋଲିସ’ କାର୍ଯ୍ୟକ୍ରମ : ଜନସଚେତନତାରେ ଜୋର

ରାୟଗଡ଼ା ଜିଲ୍ଲାର ସେସଖାଲ ଥାନା ପ୍ରାଙ୍ଗଣରେ ‘ଆମ ପୋଲିସ / ପୋଲିସ–ଜନ ସମ୍ପର୍କ କାର୍ଯ୍ୟକ୍ରମ’ ସଫଳତାର ସହ ଆୟୋଜିତ ହୋଇଛି। ଏହି କାର୍ଯ୍ୟକ୍ରମର ଉଦ୍ଦେଶ୍ୟ ଥିଲା ପୋଲିସ ଓ ସାଧାରଣ ଲୋକଙ୍କ ମଧ୍ୟରେ ସମନ୍ୱୟ ବଢ଼ାଇବା ସହିତ ସମାଜରେ ସଚେତନତା ସୃଷ୍ଟି କରିବା।

କାର୍ଯ୍ୟକ୍ରମରେ ଗ୍ରାମବାସୀ, ପଞ୍ଚାୟତ ରାଜ ସଂସ୍ଥା (PRI) ସଦସ୍ୟମାନେ ଉପସ୍ଥିତ ରହି ଡାହାଣୀ ପ୍ରଥା ଭଳି କୁପ୍ରଥା, ସାଇବର ଠକେଇ ଓ ଅନଲାଇନ୍ ଠକେଇ, ରୁ କେମିତି ସୁରକ୍ଷା ରହିବେ ଯାତାୟାତ ନିୟମ ପାଳନ ଏବଂ ବାଳ୍ୟବିବାହ ରୋକିବା ସମ୍ପର୍କରେ ଗଭୀର ଆଲୋଚନା ଓ ସଚେତନତା ସନ୍ଦେଶ ପାଇଥିଲେ।

ଓଡ଼ିଶା ପୋଲିସ ସଂଗଠନ, ଡିଆଇଜି ଦକ୍ଷିଣ ପଶ୍ଚିମ ରେଞ୍ଜ, କୋରାପୁଟଙ୍କ ନିର୍ଦ୍ଦେଶନାରେ ଏବଂ ରାୟଗଡ଼ା ଜିଲ୍ଲା ପ୍ରଶାସନଙ୍କ ସହଯୋଗରେ ଆୟୋଜିତ ଏହି କାର୍ଯ୍ୟକ୍ରମ ମାଧ୍ୟମରେ ସମାଜକୁ ଅପରାଧମୁକ୍ତ ଓ ସୁରକ୍ଷିତ କରିବା ଦିଗରେ ଏକ ଦୃଢ଼ ପଦକ୍ଷେପ ନିଆଯାଇଛି।

ପୋଲିସ ଓ ସାଧାରଣ ଲୋକଙ୍କ ମଧ୍ୟରେ ଭରସା ଓ ସହଯୋଗ ବଢ଼ାଇବା ପାଇଁ ଏପରି କାର୍ଯ୍ୟକ୍ରମ ଆଗାମୀ ଦିନରେ ମଧ୍ୟ ଜାରି ରହିବ ବୋଲି ପୋଲିସ ପକ୍ଷରୁ ସୂଚନା ଦିଆଯାଇଛି।